Salitang ‘Filipinx’ at ‘Pinxy,’ opisyal nang kinilala ng isang online dictionary

  • Kinilala ng isang online dictionary ang mga salitang ‘Filipinx,’ at ang impormal naman nitong katumbas na ‘Pinxy,’ patukoy sa parehong babae at lalaking Filipino
  • Sang-ayon ang Komisyon ng Wikang Filipino sa paggamit ng parehong salitang ito upang wala nang dibisyon sa pagitan ng babae at lalaki
  • Hati naman ang reaksyon ng mga Pinoy tungkol dito

Pinoy, pinay, kababaihan, kalalakihan—malinaw na tinutukoy ng mga salitang ito ang dibersyon sa pagitang ng lalake at babaeng Filipino. Ngunit sa panahon ngayon na pati ang wika ay nakikiuso sa kung ano ang bago, mayroon nang ginagamit na salita na parehong tumutukoy sa parehong babae at lalaking Filipino.

Imahe mula sa Odyssea: Nature, Culture, People via Facebook

Nakasanayan sa ating lipunan na tawaging “Filipino” ang mga lalaki at “Filipina” naman ang mga babae. Ngunit kamakailan ay opisyal nang kinilala ng isang online dictionary ang salitang “Filipinx,” tumutukoy sa parehong babae at lalaking Filipino.

Kinikilala na ng dictionary.com ang “Filipinx” at ang mpormal nitong katumbas na “Pinxy.” Ang parehong salitang ito ay matagal na umanong ginagamit ng mga Pinoy na nasa Amerika.

“Filipinx” ang tawag sa mga ipinanganak sa Pilipinas, pamalit sa mga katagang “Filipino” at “Filipina.” Makikitang pinalitan lamang ng letrang “x” ang “o” at “a.” Maituturing na “unisex” ang mga salitang “Filipinx” at “Pinxy.”

Imahe mula sa dictionary.com

Ayon kay Mykel Andrada, direktor ng Sentro ng Wikang Filipino sa University of the Philippines-Diliman, nararapat lamang na magkaroon na ng bagong termino na gagamitin upang tukuyin ang ano mang kasarian.

“Magandang hakbang na nagkakaroon tayo ng recognition at ng consciousness-raising hinggil sa mga gender neutral na mga words,” ani Andrada via ABS-CBN News.

Aprubado rin ito ng Komisyon sa Wikang Filipino (KWF), ang opisyal na itinalagang komisyon sa bansa upang pagyamanin, mapanatili, at itaguyod ang iba’t ibang lenggwahe at dayalekto dito sa bansa.

Imahe mula sa dictionary.com

“Binago lamang ‘yong ‘o’ para sa male at ‘a’ para sa female at ginawang ‘x’ para wala nang dibisyon sa pagitan ng babae o lalaki,” ani KWF Commissioner Arthur Casanova.

Dagdag pa ni Commissioner Arthur, ang ‘Filipinx’ at ‘Pinxy’ ay maaaring gamiting identidad ng isang pangkat at upang makaiwas na rin sila sa diskriminasyon.

Hati naman ang reasksyon ng mga Pinoy netizen tungkol sa salitang ito. Mayroong mga nagsasabi na hindi magandang pakinggan at tila isang insulto ang paggamit ng salitang ito.

May iba naman na nagsasabing dinamiko ang wika at nagbabago rin ito sa pagdaan ng panahon. Ikaw? Ano ang iyong masasabi tungkol dito?


Loading...
Do NOT follow this link or you will be banned from the site!
%d bloggers like this: