- Pinag-uusapan na raw ng “Make It With You” stars na sina Liza Soberano at Enrique Gil ang pagpapakasal
- Kamakailan ay ibinahagi rin ng aktor ang balak niya na magpatayo ng bahay kasama ang kasintahan
- Inihalitulad din niya ang iniibig sa isang anghel
Isang good news para sa mga tagahanga ng popular love team na LizQuen ang ibinahagi kamakailan ng Kapamilya stars na sina Liza Soberano at Enrique Gil.
Ayon sa ABS-CBN, inamin mismo ng reel-to-real couple na napag-uusapan na nila ang pagpapakasal. Naniniwala raw si Liza na ang kanyang first boyfriend na si Enrique na rin ang makakatuluyan niya — at ganoon din naman ang aktor.
“I really believe so, 100 percent, in my heart,” saad ni Enrique sa press conference ng ikaapat nilang teleserye, ang “Make It With You”.
“Siyempre, you can never say that you’re fully ready for that big question, pero, no doubt, I will say ‘yes,’” saad naman ng aktres.
Kamakailan ay ibinahagi rin ni Enrique na may plano siyang magpatayo ng magiging bahay nila ni Liza sa hinaharap. Ito raw ang isusunod niya kapag naipagawa na niya ang bahay para sa kanilang mag-anak.
“And then I’m going to be building with Hopie in Vermosa in the future,” wika ng aktor.
Sinabi rin niya na si Liza ay isang anghel sa lupa na nagbibigay ng labis na tuwa at pagmamahal kaya hangad niya ang magagandang bagay para sa kanyang real-life girlfriend.
“You truly are an angel here on earth. You just give so much, so much happiness and love, and just I hope that me and the world can somehow give all of that love back to you. You’re not just drop dead gorgeous, babe, you’re the most beautiful human being I’ve ever met. Sometimes it’s just too good to be true. So don’t wake me from this daydream and just keep on smiling,” aniya.
